kougademocrat

Dr. Nico Botha (78), oudstadsklerk van Bloemfontein, Plettenbergbaai en Jeffreysbaai en tot voor sy dood DA-raadslid van die Kouga-munisipaliteit, is Maandagaand in ’n hospitaal in Humansdorp aan Covid-19 dood.

Botha en sy vrou, Marietjie, het in ’n aftreeoord in Jeffreysbaai gebly.

Marietjie het ook Covid-19 opgedoen en sterk tuis aan.

Liana Steenkamp, hul dogter, sê haar ouers het einde Oktober Covid-19 opgedoen.

Die behandeling met hoëvloei-suurstof wat haar pa gekry het, het egter nie gehelp nie.

Hy het ná die strenger vlakke van inperking weer as DA-raadslid begin werk en hy “moes dit êrens opgedoen het”, sê sy.

Botha word oorleef deur sy vrou, Marietjie, hul kinders, Frikkie, Nico en Liana, en vier kleinkinders.

Netwerk 24

Tags: nico botha

This entry was posted on November 19, 2020 at 4:48 am and is filed under Jeffreys Bay. You can follow any responses to this entry through the RSS 2.0 feed. You can leave a response, or trackback from your own site.